لو بنتك طلبت منك شيكولاته..  اوعى تقولها.. لأ !!

التعديلات الاخيرة على قانون الطفل اثارت حولها جدلا كثيرا وعندما حاولنا طرح هذه القضية فى الاهرام العربى اقترحت ان اتعامل مع جزئية تجريم مشروع القانون لتعنيف الاباء والامهات لاطفالهم وانه ليس من حق اى اب او ام ضرب الطفل او حتى التفوه ضده بألفاظ قاسية وكأنت فكرتى انه مادامت هذه التعديلات مأخوذة عن القانون الغربى فلماذا لا نتعرف على تجارب العرب الذين عايشوا التجربة الغربية فكان هذا التحقيق .. فقط اضغط على الرابط التالى تراه امامك 

http://arabi.ahram.org.eg/arabi/Ahram/2008/5/10/INVS8.HTM

رسالة من امرأة مكافحة

هذه رسالة وصلتنى على اميلى من سيدة مكافحة تطلب منى ان انشرها فى مدونتى لكى تكون جرس انذار لبعض الاباء الذين يمارسون الجحود تجاه ابنائهم وها انا انشرها بناء على طلبها وفى انتظار تعليقاتكم عليها :

انا سيدة تزوجت من حوالى 24 عاما عشت منهم 5 سنوات حياة مستقرة هادئة الى ان دخل اولاد الحلال حياتنا ففسدوها ولم يكن اولاد الحلال هؤلاء الا اسرة زوجى التى استكثرت علينا الهدوء وبدأوا فى مضايقتنا واجبرونى على ان يعيش معى اخو زوجى وزوجته التى لعبت على زوجى وعرفته على سيدات غيرى لدرجة انه اهمل بيته واولاده واصبح كل همه المشى وراء النساء وتغير تغيرا كاملا وعرف طريق الخيانة .. ومن اجل اولادى غفرت له الكثير من نزواته ومع ذلك تمادى فى خياناته وغلطان اللى يقول ان الست هى السبب فى ان الراجل يبص برا بيته وينحرف

نفسى اشوفك فى مستشفى المجانين !!!

حد فيكم فكر مرة يزور السرايا الصفرا او مستشفى المجانين زى الناس مابتقول عليها ؟؟ ياريت قبل ما تقولوا: فال الله ولا فالك او ان شالله انت او حتى بعيد عنا وعن السامعين .. ياريت تقرأوا التحقيق الصحفى ده اللى نشرته من ايام فى مجلة الاهرام العربى يمكن تغيروا رأيكم وتفكروا تروحوا مستشفى المجانين ومين عالم يمكن كمان وانتوا خارجين تاخدوا معاكم واحد منهم .. ماتستغربوش .. وعلى فكره لو حد كان قالى الكلام ده قبل زيارتى للمستشفى وقبل ما اشوف اللى شفته هناك كنت ممكن اقول عليه مجنون .. و60 مجنون كمان !! على العموم الرابط بتاع الموضوع اهو واللى عنده فضول يعرف الحكاية ايه يضغط بس عليه

" ميلودى تتحدى البلل "

...الفضائيات ياما بتقدم حاجات مستفزة كتيييييير لكن اكتر شئ استفزنى هو اعلانات ميلودى تتحدى الملل واكيد اللى شافها اعلن اشمئزازه وسخطه عليها لانها كل هدفها هو تدمير اللى باقى من اخلاقياتنا والشئ الغريب ان قناة ميلودى يملكها جمال اشرف مروان حفيد الزعيم عبد الناصر فكيف يمكن لحفيد عبد الناصر ان يسعى لهدم قيمنا بهذا الشكل ؟ وياترى لو عبد الناصر موجود لحد دلوقتى كان هيسمح لحفيده يعمل كده ؟ المهم بعد ماشفت الاعلانات دى قلت فى نفسى لو كانت ميلودى دى نوع من انواع الحفاضات زى البامبرز والكدليز والبيبى فاين وعملت اعلانات عنها بعنوان "ميلودى تتحدى البلل " كانت هتبقى اعلانات مفيدة وهتكسر الدنيا وكنت انا اول واحد يشترى حفاضات ميلودى لحنين بنتى علشان تحميلها من البلل بدل ماهى عماله تتفرج على اعلانات ميلودى تتحدى الملل هى وغيرها من غير مايعرفوا انها حاجات بتدمر فيهم كل شئ جميل المهم انا بعد الموضوع ده ما استفزنى رحت عامل تحقيق صحفى ونشرته فى الاهرام العربى فياريت تقروه وتقولوا رأيكم